وصفات و نصائح لزيادة الوزن

وصفات لزيادة الوزن: أهم حاجة المداومة ...يعني نعرف وحدة داومت على وصفة 9 اشهر بش عطتها نتيجة مليحة ... يعني مش تجربيها على سمانة ... راهي ما تفيدكش.

1 _ جنجلان مرحي مع الياؤوغت: كوليه كل يوم .. هاذي جربتها صاحبتي ميمي و فادتها

2_ حب العزيز (يتباع عند العشاب)مع الياؤوغت او الحليب : هاذي الوصفة تهبل جربتها انا شخصيا و فادتني

3_ معجون الكرموس(التين) ولازم كرموس + جنلانية + الدرع او البشنة مطحونة +حلبة مطحونة + حب العزيز مطحون .. هاذي جربتها صحبتي اصولة رجعت بومبة تهبل تهبل بالنسبة للكميات نتوما اشرو قيس عشرالاف و اذا عجبتكم الوصفة عاودو اشرو الكمية لي تحبو

4_ بودرة الصويا تتباع في بوات جربوها 2 صحاباتي : زوبا و بسومة... خرجتلهم الخدود رجهو تووووب

5_ جنجلانية مع نوتيلا: هاذي قريتها فواحد القروب خسارة راحلي اللي جربتها قالت سمنت حتان عادو يقولولها حبسي راكي فضتي هههه و بالزيادة طعم بنين

*******

بصح داوموووووو داومووووووو داوموووووو هههههه

_ الماكلة في الليل تسمن .

_ ما تتقلقوش و طيشو كلش وراكم .

_ لي تحب دير سكوات لزيادة الوزن : تخدم بيها فالليل و الحركات تكون بطيئة و تاكل بعدها بيض او روز او جبن و تشرب حليب المهم حاجة تع بروتين

هذا ما عندي اذا عندكم نصائح اخرى فيدوني.

و طلعولي المنشور حبوباتي

نحبكم