الدرس في مادة أصول لعروسة رايح نهدر علي العروسة وهذو لحوايج لي رايح نوصيكم عليها راهم حوايج من الوقع تبعنا لزمكم ديرو بالكم اي انتبهووووووو معيا بون
بنسبة ليك انتي يا عروستي زينة بنت لاباج ههه
اذا كنتي رايح ديري بدرون ولا كراكو كي تكوني قاعدة يا كشرودتي مديريش رجل فوق رجل راهو عيب
كي تكوني تتصدري وتمشي امشي بلعقل وسايسي روحك ومبتسمة ميش مشنفة والخوف حاكم فيك هك بش تبني رزينة وتخرج عليك كلمة عروسة
كي تكوني تبديل في تصديرتك جنس مخلوق ميشوفك يعني ميتكشفش عليك هذا باش تتنوري وتسري نهار الدخلة تاعك وحتي الي تلبسلك يا كشرودتي ماذبيك تتستري منها قد ما متقدري حتي اذا كانت أختك راهي فيها سر كبير العروس لزم متبانش منها حتي عورة بش نهار دخلة تنور عند راجلها هك تقولي جدتي
ليلة قبل عرسك تقرآي سورة البقرة تدليك واحد الساعة وربع من وقتك أقريها بنية تسهيل رايح تيسرلك أمرك ويفوت عرسك علي خير وعافية ولا اروعع والحاجة ثالث متشربيش القهوة كامل اشربي عصير العنب وجزر رايح يزيدلك في طاقة تاعك وكولي حوايج خفيفة برك وفي نفس الوقت فيها فيتامينات باش تتقوتي بيها ومتكونيش فاشلة
اللحظة محزنة
والأخير كي تكوني رايح تخرجي من داركم دموعك في خدك وراجلك داخل بش يخرجك هنيا خلاص هبطي رأسك وحطي لافوال تاعك واغزري في الأرض واقراي في قلبك اية الكرسي بش يروحلك الخوف راكي ماشي ويدك في ايدو خارجة من دار باباك هنيا نوصيك بحاجة مدوريش لحتي واحد كون يعيطلك وأنتي ماشيا في قلبك أدعي لأي وحدة حبيبتك صديقتك أختك حاب تزوج انها تلحقك وتزوج وراك حنيا انديروها في عاداتنا ونديرو نية ولله شحال من مرة تصلح وتسهل لدعوة انشاء لله
.png)