تلمو حبيباتي جبتلكم تسوفيج من نوع التسيتيت
شبوشاتي فنفوناتي نعلمكم تستيتت شوية شوفي ياواحد الشعطوطة
كشرودك يا لالا التسيتيت يذوبو ويهبلو ههههه انا حبيبي يقولي نتي ميقدرلك غير ربي هههه وانت لازم تملكيلو عقلو بضرافتك وحلاوتك وشطارتك يامامي يامامي عينك تكسبي المخلوق تاعك وتخليه يشوف غير ليك تبعني أيا نبدا بسم الله
الراجل يالالا يحب الطفلة إلي تحشم بصح بزاف الحشمة تخليه يبعد عليك الوغ لازمك تكوني ستوتة حسسيه بلي راهو راجل ونتي ضعيفة قدامو في فترة الخطوبة هو يحب يعرف كلشي عليك ويحب يعرف كيفاه راح تكوني معا أحكي معاه دايما فتلفون ومرا على مرا شوكيه بميساج معمر حب وحنين كوني ستوتة ولميساج من الأفضل ابعثيه فليل دك تشوفي كيفاه يعجبو لحال دلليه حبيبي عمري لعوينة دبدوبي بيبي تاج راسي قوليلو حبيبي كي نتزوجو لازم ترقدني باه ترقد نتا ديرني لبيبيا تاعكبنتك صغيرونة تاعك كي يقلك اني رايح ندوش قوليلو كي نتزوجو اعمري ندوشك انا بيدي نتا لبيبي تاعي خخخخخخ خليه يتخيل ويفرطص ههههههه
غرقيه بكلمات لحنان مع تحلي عينيك فالصباح ابعتيلو ميساج صباح الخير حياتي مع حليت عينيا نتا اول حاجا جاتني في بالي حسيت روحي متوحشاتك ولفيه تسقسي عليه بلي ميساج وش راهو يدير حبيبي ومعمن راك بهادي راح يحس بلي راكي حنينة ومهتمة وعايشتلو وفي نفس الوقت تجبدي روحك ياماات هدا طاكتيك يامامي يسموه طاكتيك بزاف ناجح معاه يولي غير يحوس عليك وعلاه ماعيتطيش وماسقسيتيش كيما مالفة ههههه باسكو يكون يوالفك وتاني يولي يحكيلك كل تحركاتو و اخبارو بلا ما يفيق ومرات فالصباح عيطيلو يسمع صوتك وانتي هاداوين نضتي مع انت حنيني شوية صوتك مش تنوضي بصوت عمي قدور هههه تبريزي السيد مع الصباح المهم بصوت حنين هو يذوب يولي مايقدرش يفوت نهار☺☺ بلا ما يصبح عليك
. بعد ما تخليه يوالف اجبدي عليه شوي هيهيهي تلقايه رجع يجري عليك كي المهبول.... تبا كم انا شريرة هااااااههه.
وماكالاه تبعثيلو لقوالب هادوك تاع الأشعار رايتك فوق الشجرة واعجبتني الحجرة خخخخخخ تبت ماكالاه راهو جزايري هههه ﻻزم تقوليلو جريتلي في دمي يا مصفاري راني هابلة عليك ياحلالي يادبدوبي..... يعجبو لحال
الرجال حللف حاشة سيدنا محمد (صلى عليه وسلم ) ههههه باه تكوني قافزة لازم تكوني كي البير ماتخليهش يعرف كلش سيرتو على الماضي ماتحلبيهش بزاف ولكن اعطيلو شوي حشيات خخخ مثلا العبيها تشاوريه احبيبي اني نروح عند صاحبتي هاديك ... بيان سيغ صحبتك عندها خوها بقلاوة هههههه هو هنا يغير ويهبل نتي هنا قوليلو دبدوبي مانروحش على جالك ابيبي لحاجة اللي ماتعجبكش اعمري نعلبوها خخخخخخ احشي احشي هنا السيد يحس روحو دار إنجاز و يحس روحو راجل هههه و لحكاية كامل كانت حشية نتي كنتي راح تفوتيها عشية فالدار بشعرك لمكشرد ههههه الراجل يبعد على لمرا كي يلقى لحاجة اللي خصاتو عند غيرها لازمك تكوني حنينة وفي نفس الوقت مهبولة مهبولة صح غير ضحك لومبيونس بش ما يملش منك لازم ديما الجديد من كل النواحي بدءا من لحكايات للبسة للحطة حتى الاسم اللي دلليه بيه للهدرة تستيت راجل يحب لمرا ستوتة قافزة في نفس لوقت بريئة اخطيك من مشاكل ولعياط والشك والتوسويس يجيبو غير تطياح لقدر ويكره من جدك كي يقلق خليه يهدر باسكوو هنا بعد يبرد وحدو ويتكالما هنا انت ديري كراعك المهم ياموصيبة الراجل مش ساهل صح بصح نت تاني كوني ستوتة مع شوية تقلاش وتمهبيل رح تربحي لحرب
ان شاء الله يعجبوكم اللنصائح يا شيكولاتي يا الله تعليقات مع جمجومات راح نزيد نجيب تسوفيج جديد للمتزوجات والمقبلين على الزواج حبكم وراكم مزعفيني مكانش تفاعل بزاااف تبانلي نحبس وخلاص وقيلا متحبونيش ومرانيش عاجبتكم
.png)