العناية بالمنطقــة الحساسة

علاش اسمها المنطقة الحساسة  على خاطر فعلا حساسة و عرضة للبكتيريا و الجراثيم اللي تقدر تسببلك التهابات و امراض الله يحفظ كنتي بنت او مزوجة خاصك تعتاني بديك المنطقة ماشي حتى يقرب عرسك عاد تنوضي كيفاش نبيض كيفاش نرطب كيفاش و كيفاش،؟؟!! نوو النظافة تاعها لازم  تكون روتين يومي عندك كيما  الماكلة و النعاس
ارواحي نقولك وش لازم  ديري :

_اول حاجة الملابس الداخلية (السليب) خودي تاع  القطن و بعدي على نيلو

_الشعر الزاائد نحيه لانو يجمع غير الميكروبات (لاسيغ غير صحية لديك المنطقة) تبقى الغازواغ افضل طريقة

_باش ما ينوضشلكش الحب و الحكة وراء الغازاج  ما ديريش الصابون و الرغوة خودي زيت جونسون او اي زيت دهني بيه و من بعد ديري الغازواغ 

_ماشي ضروري كل مرة غسلتي تستعملي الصابون  هاكا تقتلي دوك البكتيريا الطبيعية اللي يحميو ديك المنطقة يكفي ماء دافئ و الفرك

_ ما تغسليش بصابون ريحة خودي جيل انتيم من الفارماسي او صابونة او الحجرة

_ الملابس الداخلية كيف تبدليهم صبنيهم بصابون الحجرة من الافضل و يتنشرو فالشمس مباشرة

_ الا ما محبيتيش تبدلي الملابس الداخلية كل مرة خودي فوطات صحية يتباعو او خودي شي فوطة و قطعيها قطع صغيرة و استعمليها و كل مرة بدلتيها صبنيها و نشريها

للتبيض

_هاديك المنطقة علاش تكحال !؟ بفعل الرطووبة و ديما مخبية ههههه

عندي ليكم الحل

_ اولا ضروري تنشفي ملييييح بعد كل مرة دخلتي للطواليت

_ بيافين و الحامض

_ فالليل اغسلي ملييح و نشفي من بعد دهني بعصير الحامض خليه شوية و رشي النشا بحال البودر بقاي شوية بيه امبعد البسي حوايجك و فالصباح غسلي مليح و نشفي و دهني باي زيت عندك و من الافضل زيت الحامض

فترة الحيض:

_ملي تقرب تجيك لالة مولاتي هههه نحي عليك دوك الشعورات هههه

_الفوطة بدليها كل تلات او اربع ساعات على حسب .. و كل مرة بدلتي نظفي حالتك و بدلي حتى الملابس الداخلية ..

_ و متقعدوش فالبرودة و اتكونو عرضة للبرد ...لبسو مليح و الظهر يتغطى

الافرازات المهبلية:

عييتي من الافرازات و الحكة و بعض المرات حتى الريحة تكون مجهدة

عندي ليك الحل :

تاخذي حفنة تاع الخزامى ديريها فكاسرونة و زيدي عليها لتر الماء خليها تغلي واحد خمسة دقايق و صفيها و ديريها فقرعة

خودي كاس قبل الفطور و قبل الغذاء و قبل العشاء لمدة تلات ايام و داك الكاس تاع الخزامة تزيدي فيه عصير بصلة (بصلة حكيها و داك الماء ديالها زيديه مع كاس الخزامى) اظن انه وااضح راه وصفة فعاالة 

_ خودي حفنة تاع  الخزامى و غليها مع لتر و نص ماء و صفيها و خليها فقرعة كل مرة دخلتي للطواليت توضاي منها

ريحة تهبببل

باش تبقى ريحتك هايلة طوول الوقت 

خوذي اي كريم يعجبك او فازلين و تزيدي عليه اي ريحة تعجبك او زيت الحامض او الورد او اي ريحة تعجبكم و تخلطوها مع الكريم او الفازلين و تخليوها في بواطة ..دهني بيها بين فخادك و وراء ودنيك و فالمعصم ديال يديك و الا بغيتي جسمك كااامل

وان شاء تستفادوا ،كاين لي تقولك واش هذا كامل ايبيه هاذو كامل ديريهم علاش حتى تفرطي فعمرك اه كي متطهلايش انتي في روحك شكون راح يطهلى فيك قولي شوفي فيا هنا وجاوبيني