واش ديري كي يتبدل عليك خطيبك ؟

المهم كشرودات موضوع اليوم هو وش ديري كيما يتبدل

عليك المخلوق تاعك خطيبك ..

لبنات كامل مجروحات مبليسيات  لاشتة معنديش ل موغال بصح ارواحي نعتلك كيفاه تتصرفي كي يتبدل عليك حبيبك و لا يسمح فيك 

جيبي ورقة و اكتبي فيها الحوايج لي راكي عايشة على جالهم. .....بون عندك والديك قرايتك  خدمتك مستقبل تاعك و باينة وحدة فيكم ما راح تكتب راني عايشة على جال الغبينة و الدموع و الدمار 

ا طفلة آكي عايشة في الدنيا هدي باه تفرحي و تزهاي باه تقدري ديري حاجة مفيدة في حياتك  مش باه تبقاي تندبي و ترعرعي على مسود السعد لي عرفتيه 

تبعي معايا 

بون صرا بروبلام و لا ماصراش ما يهمش  اللي يهم هو حبيبك تبدل من جهتك

هرواحي ا مخلوقة نعلمك و هو راح يندم لي خسرك

1 اسمعي نحي من راسك فكرة ندمو لي خلاني و سمح فيا و نساني خلي عندك عزة النفس واش ا دين ربي حابا تسيفي عليه يحبك بسيف؟ ؟؟؟؟؟؟

2 جااااااااااميييييييي تبينيلو بلي راكي كائن ضعيف من وراه و بلي ما قدرتيش تكملي حياتك بلا بيه  هيا نوضي صحاليك 

ياخي ديما نوصي و نعاود فمي شاح من الهدرة افهمي بلي الراجل يحب المرا لي تشيطوووووو يحب المرا لي يجري من وراها و لكان قدرتي تشربيلو بول الدواب vازي 

3 ديريه كي كاين كي مكانش فهمتي علمي قلبك البرودة قسحيه 

اون باس درك ☺

بون شوفي ادا هو قطع عليك من يقطع رجليه و ولا مايعيطش عندك الحق في مكالمة هاتفية واحدة بسسسسسس هز اللهم بارك ماهزش تعاوديلو نحيييييك من الدنيا 

عمبالك كون تبقاي تعيطي هاو يحسب روحو هو برك في الدنيا ...توم كروز و انا معمبليش 

تقدري تبعثيلتو ميساج ادا ماهزش من تهز عليه الدنيا والآخرة  و سقسي عليه مش تبعتيلو. .....وين راك. ..قلقتني. ...راني خايفة عليك .....رد عليا اني هابلة عليك ....) منك صح هابلة؟ ؟؟؟؟؟؟

قولي برك اني منديرلك والو متخافيش

احشمي احشمي آكي كبيرة على هد الحوايج و المحبة مش بسيف فهمتي 

الفايسبوك مش تروحي تحطيلي حبيبي راح و خلاني ....قلبي مجروح مدقدق هنا تقدري تمكنيه  بوبليي حوايج ضحك تمسخير باه يتغزلللل و يتمحكك 

اتفكري كرامتك فوق كلش ...على بالي صعيبة تحكمي روحك بصح الله غالب راجل هكا يتوب و يعرف قيمتك هكا يحس بلي فراقو ما اترش فيك

منيش نقولك متبكيش و متحكيش. ...نو ابكي ابكي يااووووو ابكي ا بنتي ااااابكي و فرغي قلبك  بصح بينك بين روحك  عمرك ما تحسسيه بلي راكي فاشلة نوغمال اخرجي اضحكي روحي للبلاد ديري شوبيينغ متخميش في واحد يخليك تبكي باغسكو كون جا يحبك ميبكيكش فهمتي 

عمبالي القلب لحمة و غير هو لي قاعد يطحن فينا الكلب ولد الكلب كي تتوحشيه بزاف بزااااااف و تجيك في راسك باه تعيطيلو ولا تبعثي ميساج اول حاجة نكسرلك رجليك ☺ و تاني حاجة خممي غير في حاجة واحدة كون توحشك هو كون أو عيطلك كون أو سقسا كون أو دار جاست بصح الله غالب ختي هو متوحشكش و حتى ادا توحشك و كانت الغلطة منو راح يديها بعزة النفس 

جربي اجبدي عليه و شوفي عن تجربة هيهيهي

و في الأخير ا طفلة الحياة مش غير راجل 

الحياة راهي والدين كي يكونو صحاح قدام عينيك

الحياة كي تكوني انتي صحيحة و مكش مريضة ☺

الحياة كي تنجحي في حياتك و تقراي و تخدمي و تسلكي و تروحي للحفافة تقصي شعرك  و تكسي روحك الله الله و الشوكولا و الشيبس و التحواس او كلش مليح في الدنيا هدي ابروفيتي برك بلا متنساي علاقتك مع ربي سبحانو

كوني متأكدة بلي ربي سبحانو نهار تكونتي نطفة في كرش ميمتك قال فلان سيعيش سعيد أم شقي ...فلان سيتزوج يوم كدا.و سيموت يوم كدا

أو كلش مسطر عند الله تعالى عيشي و بركاي متعصري في مخك على جال غدوة 

البنات و الله ما نسامح كل واحدة شافت الستاتي و ما خلاتش تعليق اني حلفت 

#حبكم

#دعولي ربي يفرج عليا