وصفة للقضاء على حب الشباب

نحتاجو :

1-قالب صابون بلدي مافيهش ريحة

2 مغارف عسل حر

1 مغرف نشاء

1 مغرف حليب بودرة *لحظة*

1 ربطة معدنوس

1/2 كاس ماء الورد

قالب سيليكون واذا ماكنش جيبي هادوك تاع الفلان ..

+Pomade Biafine

, معروفة تاع الحروق تتواجد ف كامل الصيدليات و ماشي غاليى ..

الطريقة : ( نرفدو الصابون حجرة نقطعوها دي مورصو صغار ، نحوطوها ف طبسي زجاج و نديروها في حمام مريم ، يعني نديروه فوق مرميطة داخلها ماء مغلي و نخلوها حتى يدوب الصابون ، انا مع اللول درت هاكا مي وليت درتو ف الميكرو اوند باش يزب -

في جهة اخرى نرفدو ربطة معدنس معروف ب فوائدو  للبشرة و خاصة حب الشباب ، نقطعو سيقان  نغسلوه ونقطعو سيقان ديالو نحتاجو الاوراق ، نحطوها داخل روبو ، + كاس ماء الورد + 1 مغرف نشاء + 1 مغرف حليب البودرة + العسل و نشغلو  الروبو يرحيهم حتى يولي المعدنوس فتااااة صغغغغغار  !

المهم نفرغوه الخليط ف قدرة صغيرة ولا كاش حاجة ، و نديروه يسخن ، كل شوية نضيفو شوية من  هاداك الصابون اللي دوبناه ، و نحركو بقوة ، نبقاو غير نحركو .. حتى يولي مزيح .. كيما راكو تشوفو ف الصورة ..

ابري نرفدو السليكون و لا هادوك تاع الفان .. نفرغو المزيج فيهم و نديروها  الفريجيدار حتى تجمد ..  اذا درتيه ف هادوك تاع الفلان ديري قبل ساشي فيها قبل ما تفرغي المزيج باش ما يلسقلكش

 .. و دريها فالفريجيدار تجمد ..

تنحيهم ابري 1 ساعة ، تولي عندك صابونة تاع حب الشباب ، اغسلي بيها 3 مرات ف النهار

قبل ما اجي ترقدي اغسلي وجهك بيان و نشفيه بيان و  ادهني بشرتك ب بيافين biafine الي. قلتكم عليه  ..

اسبوع واحد تلقاي وجهك بياض و و الرؤوس السوداء راحو ، اثار حب الشباب قريب ما يبانوش ، و الحبات ما عادوش يخرجو ..

بعدي على السكريات، و الدهنيات ، و لي فيلم Sex , و الصوالح اللي تثير الشهوة  ..

اعتذر على التاخير ، و ربي يحضر الشفاء خواتا تي