عشقت مجنونة

هياااا حضرووو رواااحكم لبنااات جبتلكم كرونيك بإسم 

"عشقت مجنونة " ديجا من العنواان تفهموو اللي الكرونيك شبعة ضحك و هبل !! 

راجلي:_سايي باش نهبل يا خالتي 

أمي:_شبي ولدي اللطف 

راجلي:_بنتك باش تقتلني بالعرق بالعرق باش تعملي جلطة

أمي:_وووووتي مليكمش شهرين معرسين يا ناري

راجلي:_نسيتها نهارا العرس شعملت فينا ؟ مهبولة بنتك مهبولة ! فما عروسة تتعارك هيا و طفل صغير على كعبة ڨاطو ؟؟ فما عروس دور على الحاضرين الكل تعمل معاهم سلفي و تكمل تدعثر في كابل تاع المصور تجي هيا وياه مفروشين ؟

أمي:_شتنقولك يا ولدي من الأول نبهناك

راجلي :_ واللي فاتك أغرب ! شد عندك آآ سيدي ! في شهر العسل وحنا في الأوتيل بنتك رمت شلاكة تحصل في ذبانة جات الشلاكة عالتلفزة تكسرت !

أمي:_ووووه و شعملتو طلبتوشي السماح

راجلي:_شخص شخص كان جات في طلبان سماح 

بنتك ڨاتلي هيا نهربو ليطاليا! و قامت تجري ! عرضها شرطي بدأت تهبط  فيهم حيار الراجل يسحابها ڨاتلة روح 

و بدات تجري و بدا الشرطي يجري وراها و أنا نجري ورا الشرطي !علاه شعملت يا ربي !!

أمي:_هيا باهي المهم هربتو !!

راجلي:_إقلب الطنجرة على فمها تطلع لبنية لمها

ڨومي يا مكبوبة السعد ولد خالتك جاي مالخارج ! النهار راح

_بري لوجي عليه

_هديل ڨومي يا عافنة شوفي بنات خلاتك ترنخو في الحمام  و الشعر تجبد ! انت شعرك كان إحطو فيه فيل تو إيضيع ! 

_العيشة لمنكدة هذي ! هاني ڨمت شتحبي 

_فزي بري للحمام 

_لا الحمام لا هاما فوزية الطيابة تسلخ هذيكة 

_سكري جلغتك انتي تراكس تحفرلك وسخك و شوف و شوف فزي هيا 

بعد ساعة من المحاولات باش نوض و بالطبيعة مع بعض الإهانات و التعذيب بواسطة سلاح أمي الفتاك شلاكتها الزرڨة و سطل المي الترنخت بيه نجمت نفيق ! 

خرجت من باتي شعري مشعشط و سروالي رجل طالعة للركبة و لخرا هابطة و ريڨتي يابسة تحت فمي مشيت لنبع الحنان بستها و حضرت ساكي و مشيت لهاكا الطيابة إطيب عمرها خارجة مالحمام نغني 

دور دور خبز شعير و كعك محور خرجت مالحمام نفور شدوها اطيح التالي 

دخلت للدار نغني و عاطية ما عندي نسمع في حركات و ايقاع نبع الحنان جايتني ب عصات مصلحة 

_سعدك ياا لطرش ! 

_ها شبيك يا خدوج متشجعيش المواهب المحلية 

_أسمعي الدرامى متاعك خلاها مرة أخرى  أدخلي للبيت و نحي دبشك حاجتي بيك 

_وووووهههه حلالي على عمري المقود تترصيلي في عندي منقلك أمي تحب تغطسبني

تاااااف و يا شلاكة طارت طارت العالي 

لحاصيلو مشيت للبيت و جتني أمي بسلاحها الفتاك ( حلوة نڨاية ) و كتفتني باش تبدأ بوجهي

_شلغومي حبيبي لااااا مربية عليه الكبدة 19 عام لاا 

_هذاكا مربية فيه ڨنفود مش كبدة !! تي إكتف بهيم إكب سعدك 

_وااااكك حلالي حلالي حلالي 

بعد أربعة سوايع تمت المهمة بنجاح هههه طبعن مسلمتش من ڨرصات و عضات أمي ههه

خزرت بروحي في المراية 

_يا والله ولي عرضتني مرة الطفلة هذي 

أمي:_يا مشبوهة راتي محلاك وانت نهار لكل تجري ورا المفرخ تفكي فالمصاصة 

_أمي  منفضلك كل شي ولا المصاصة ! 

_شدي ! هام عشرة لاف بري الحجامة تعملك حل فهاكا الأدغال اللي فوڨ راصك 

مشيت للحجامة ! و متعبا كان فتسريحه خاتر شعري طويل و رطب غير أني منيش لاهية بيه الحاصل مغير منشكر روحي طلعت مزة جامدة اوى !!

في الليل العرش الكل متلمين يستنو في خالتي أو بالأحرى ولد خالتي !! و منحكيلك على بنات خالتي وووو رطل مكياج في و جوعهم سرفسار عمليته  يدهن دار همي محشي الفطار !! و جي عاد حبيب الملايين !! برجولية بقلاوة دياري أصل ! دڨلة طلال يحكي :

دخلت للدار خالتي و أنا مش طايق روحي !! أمي الله أعلم شناوية  جيبتني من فرانسا رجليا أعلى من راسي 

دخلت و ياريتني مادخلت !! كالبنات اللي هاذي مشحطة روحها و داهنة وجها و يتدحنسو عليا كومكوا تدوخ و كلفزات ! كان وحدة بركا ملئ دخلت و هيا تڨحرلي و تاكل في الشيبس و طريقة غريبة !! 

حسيت روحي تعبت مشيت لبيت نعتتني عليها خالتي باش نرتاح ندخل و ياريتني مادخلت صونوري متاع حرب تحلت !!! 

هديل تحكي : مشيت لبيتي بش نكنكتي شويا كنت متربع فوق الفراش و شادة البيسا و إهد عليا كالماسط 

هديل:_وووووههه على شرفك يا هديل ! أخرج يا ساقط أخرج والله مترانية كان تڨربلي منخليلك دور دور زاي تاع خدوجة في بدنك و ترصيلك مناديني المسامح كريم وووووو

طلال:_سكري فمك الهم هذي بالعة مسجلة ؟؟ شبي بوك 

هديل:_ بون صحيح انت بقلاوة و مز أما خلينا بالأقدار خيرلك يا شسمك 

طلال:_نعم؟؟

هديل:_عضم

طلال:_شنيا

هديل:_شميا تاكلها صباح و عشية و توا أخرج ولا نشكي بيك

طلال:_شبيك قذية متنقلة إنتي؟؟

هديل:_شوف روحك كيفاش عاد تقول شرطة مكافحة الإرهاب !!! 

طلال:_أسمعني يا شسمك 

هديل:_إسمي هديل ه_د_ي_ل

طلال :_طفي روحك أيا باي 

هديل:_توا هذا وجه نضحي على خاطرو بشلغومي حبيبي ؟؟؟ علااه يا ربي علاه 

طلال:_نعم ؟؟

هديل:_مانا قلنا عضم عاد

خرج طلال للبيت لبجنبها باش يرقد و هديل كيفكيف

طلال يحكي: قمت الصباح حاس روحي رزين ! 

حليت عينيا لقيت كالمهبولة راقدة فوقي مالفجعة نطرتها جبتها مفرشة في القاع 

هديل: _يا دجاجة شبيك هربت عليا وينو صحن الفريق

طلال:_فيق حتى راقدة تحكم في الماكلة قوم يا هم 

هديل : كنت نحلم بروحي في مطعم و منحس كان في ضهري تقسم على ثنين 

و أطلقت عناني :_ووووووووههههههه هيا هيا و عملتها !!! إغطسبتني يا حيوان يا كلب !!! هيا نهربو هيا ! ولا لالا تو إشدونا كيف نصار لكرينا كابور ! عرس بيا تو فيسع قبل ميفيض الكاس و تولي ندز في بطني و يتولد و إقليم شكون بابا نقلو أبوك مات يا حبيبي تحب نقلو أبوك مات ؟ ترضاها ؟ 

طلال:_أستغفر الله يا نكبة شمجيب بوك لبيتي ؟

هديل :_ بالرسمي أنا في بيتك مش إنتي في بيتي ؟؟ يعني  مغطسبتنيش ؟؟؟ زاح والله كان زدت شوي راني سميت ذر ذرنا !! 

طلال قام إصيح :_ أخرج !! قتلك أخرج مالبيت 

 طلال يحكي :_ تفجعت هديل و قامت تجري خارجة و فجأة تمصمرت في الباب زي حجر بقات إيجي درج و بعد تلفتتلي و عيونها تخوف بقات تقرب و أنا نوخر و بعدها باستني و مشات !! بقيت مصدوم تقريبا نص ساعة و أنا  متكونسي في بلاصتي ؟!!!  لبست دبشي و خرجت ولقيتهم يفطرو كان هديل تقول آخر مرة باش تاكل !! شعرها و خشمها بطلها ملغصة ! هههه ابتسمت مغير منشعر تعجبني برائتها

خالتي تتكلم :_ خدوج أختي أنا نحب نتهنا على وليدي قبل منام عيني !! قررت نعرسلو ب هديل 

أمي:_ و أنا عطيتك بنتي وريريريريريريريريريريريريريرييييييي 

طلال:_شفم شبيكم ؟

هديل:_شكون مات ؟

طلال:_في سبركم كيف إيموتو إزغرطو ؟ 

هديل:_بالك من ضحايا الحرب و يعتبر شهيد في سبيل الله 

طلال:_أمي شفم 

خالتي:_بش نعرسلك بهديل

طلال مصدوم تونس مصدومة إتصالات المغرب العربي مصدومة  داعش مصدومة و هديل تاكل 

هديل تنطرت شدت في طلال :_ خطشيبي 

طلال:_إبعد عليا سيبني

هديل :_ حبي شتحب نلبسلك ليوم ؟

طلال :_ إلبس اللي تحب كان لزم لمحسن جاركم والله لا يهمني 

هديل:_ لا محسن مش حاجة 

مشا طلال لببتو و هو يفرك بالغضب 

طلال يحكي : أنا و كالمهبولة في بيت وحدنا ؟؟ تي جيت أمس اللي كفرتو عليها إدخال أمة محمد لجهنم !! شي الوجبة الكلبة هذي !! 

هديل تحكي :_ زعمة يشخر في الليل ؟؟ يطلعش ميحبش العضام المڨلية منعرف كان هنا نطيبهم ! 

مشات هديل هدت على طلال في بيتو لقانون ممدود في الفرش 

دزت الباب و ناضت تنڨز فوڨ الفرش و تتكلم :_ شوف عيش حبي  لازم نعمل عقد زواج خاص بينا ! قول باهي !!

طلال مبهم 

قعدت هديل متربعة و خرجت ورقة و ستيلو و بدات تكتب 

أول حاجة :_ متهدش عليا زي شرطة مكافحة الفيروسات للبيت !!

_كينغلط أنا تجي ترضيني و كيتغلط إنتي كيفكيف ! 

_تجيبلي شكلاطة كنولي مريضة 

_ تخليني نلبس شورط 

_كيف إيجو أهلي ولا أهلك تبين لأحنا أسرة مع بعضينا !

أهم حاجة منعرفش نطيب !! تصرف 

طلال:_هديل أخرج لنقتلك !! 

هديل:_محلاه إسمي من فمك حبي و بدات تذبل في عويناتها 

طلال:_ شد شلاكتو ياخي هربت تجري و هي تضحك 

طلال:_ هههه مهبولة !! أما تو نشوف والله منخليك تندب على أيامك طلال يحكي في التاليفون :_وي حبي  حتى أنا توحشتك !! تي تنعرس بواحدة متجيش في ضفرك ! أي أي نعرس بيها نهرين و نطلقو و تأخذك إنني يا روحي ! نحبك ! حتى أنا 

هديل قاعدة وراه تلفت تفجع عرفها سمعت كل شي ! هديل متحركتلها حتى شعرة ! 

هديل تحكي : مشيت باش نقول لطلال رانا خارجين لقيتو يحكي هوا و القطوسة متاعو !! هههه نرمال راو ميقلقنيش 

هديل:_ تيتو توا إنني باش تعاوني معاك لفرانسا ؟؟ 

طلال:_أيه أما راني عندي شكون 

هديل :_ حتى أنا 

طلال:_حتى إنتي شنيا ؟

هديل:_عندي شكون ! أي كيف تهزني يعطوني الجنسية ؟ دونك نبقو معرسين لين نهز اوراق و نطلقو و أنا نعرس بحبي و إنتي تعرس بمصفارتك 

طلال حس اللي اللعبة دارت عليه قالو قبض معرف اللي هيا عندها شكون !! هوا مش بالرسمي راو كان يحكي في التاليفون ! حب جيست يقهرها ياخي قهرتو !! 

مشا وخلاها و هو إخمم زعمة بالرسمي عندها شكون ؟ لازمو إخليها ملكو ! هديل متاعو كهو ! لأي إحبها من قبل مش توا ! مالصغرة 

هديل تحكي :_ كيف مشا طلال قلبي قبض عليا !! الكلام اللي سمعت نعرش كيفاش عملت روحي متأثرتش ! زاح نحبو راني لازم نخليه إحبني !! لازم ! يي نسيت مقتلوش لنحنا خارجين ! تنمشيلو 

طلال : وي سامي ! في تونس أنا باش نعرس ! أسمعني ! تقريب طحت على راسي ! تي شبيك تضحك أي نحبها ! أما طلع عندها شكون ! إنني جاي لتونس ؟ باهي جيب معاك سيرين حتى كأنها لسقة أما تنفع  هيا باي 

هديل سمعت لكلام الكل و فرحت عاللخر أما قررت تأكد دخلت البيت و قاتلة لهما خارجين 

مشات لبست أقصر شورت عندها و بودي مفضفض و كنفارس ! و شدت شعرها لفوق و عملت بانسو ! كيف رآها أكاكا حب إدڨدڨها ! المعري أكثر ملئ مغطي أما مشلقش ! عمل روحو زي ماشفهاش جملة ! 

هديل:_شبيه هذا منغرش ؟؟ يطلعشي مكانش يحكي عليا في التاليفون ؟ زعمة ؟؟ 

مشاو قضو شويا قضيات و تعداو لمطعم باش يأكلو حاجة 

طلال جاه تاليفون خرج و كيرجع لقاء  هديل تسلم على طفل بوڨوس بالبوس كبس على بونيتو و مشالهم كبس على بونيتو و مشالهم جلد هديل وراه و هو شادلها إيدها و و وقف مقابل الطفل و قال :_ حبي معرفتناش عالتحفون 

هديل تحكي :_ كنت مسلم على لؤي جا طلال كبس على إيدي و سألني !! يااح قلي حبي يااح !! 

هديل:_ آآ ممم لؤي ! اللي حكيتلك عليه مبكري 

طلال:_ حسيت سكينة و تغرست في قلبي معرفتش شنعمل سيبتلها إيدها و قالو نتشرفو و مشيت 

هديل:_ لؤي ماني أختك كمل معايا التمثيلية والله نحبو والله 

لؤي :_ إنتم لبنات ماكمش عاديين ! باهي أما بالمقابل ت ركحلي بنت خالتك 

هديل:_مريڨل

مشاو لحڨو طلال و ركبة الزوز في الكرهبة 

هديل:_ طلال لؤي جاي من أمريكا باش يسكن عنا أيامات لين يلقا دار

طلال:_ مرحبا بيه 

مغير منطول عليكم روحو و تعدات أيامات طلال مطفي هديل جملا أما كل ميشوفها مع لؤي يموت ! لؤي و بنت خالت هديل أون كوبل و فهموها الطفلة لحكايا !! 

أما التمثيلية تقلبت على هديل كيف جات سيرين لتونس..

هديل كانت متربعة تلعب في الكارطة مع لؤي  سونا الباب ! مشات باش تحل 

هديل تحكي :_ حليت الباب لقيت وحدة صفرة واقفة في الباب لابسة روبا قصيرة نفطية اللازم في اللازم و فمها منفوخ تقول بطرنبة 

هديل :_ عسلامة تفضل

سيرين :_ bonjour !! Où est t_il talel ? 

هديل :_ مقتلكش أنا ! مات طلال أمس تعدت عليك الكار الصفراء !

طلال :_ سيرين !!!! جيت 

دو طلال هديل و مشا إعنق في سيرين ! 

هديل مشات للؤي قالو حبس التمثيلية ! مشات كركرت طلال من إيدو و دخلت للبيت 

هديل:_ أس آ دڨلة ! حكايتي أنا و لؤي كذبة صغيرة !!! بون كبيرة الشوي ! المهم أنا نحبك و كان نراك مع المصفارة نقتلك و مقتلها باهي ؟ خلاتو مبهم و خرجت مشات للطفلة 

:_ أسمع يا مزفطة ! طلال راجلي !! و كان مش عاجبك اسلوبي تنجم تتفضل تخرج ماناش حلين أوتيل و هزتها خرجتها و مشات 

جاها طلال :_ هديل ؟!! سافا في مخك إنتي ؟؟ والله لاك متربية ! سيرين أنا ستدعاتها !! مش عاجبك كسر راسك ! تي شوف روحك و شوفها !! عزري بحذاها !!! 

هز صبعو إنبه فاها :_ مزلت دور باها وجهك نفسدهولك ! 

هديل تعبان عيونها بالدموع ! حسن اللي هيا خسرت كل شي !! حسن أول مرة اللي هيا تهانت! و من شكون ! طلال ! حب حياتها !! خرجت مالدار تجري عيونها سبالة  مش عارفة روحها وين تتمشي !! لين ضلمت الدنيا لقات روحها في زنڨة تخوف و الدنيا ضلام  تاليفوني نساتو في الدار ! بدات تسمع في حي وراها زربة لين ولات تجري تلفتت تلقا زوز ولاد يجريو وراها !

طلال كان باش يهبل!! كان يدور في الدار توا نص الليل و هيا مجاتش 

خدوج تبكي و أختها تسكت فاها ! تلفتت لطلال :_ والله تصير حاجة لبنتي نقتلك 

سيرين :_ تي شبيكم على طلال ! على جال وحدة مش متربية تعملوا هذا الكل ! راي في بواتا ولا تهمل 

هز طلال إيدو و طرشها بكف 

هديل أشرف منك يا مسخة

هديل تحكي :_ حليت عينيا نلقا روحي في الصبيطار و زوز ولاد بجانبي ! 

لباس أختي ؟ رانا جينا شنقولولك شبيك دور وحدك في بلاصة تخوف لين دخت

هديل:_ نعرف عليكم أنا بالك تقتلوني و تقتلوني تحطوني في سشييات و طيشوني في بئر يلقوني كان بعد تلاثة شهور و ثلاثة أيام !! 

طفل:_ نعم ؟ 

هديل:_عضم 

طفل:_ههه أي شنعمل تو ؟

هديل:_ معمل ! عطيني نكلم أهلي 

كلمت هديل أمها و جاوها يجريو !! روحو باها و طلال مقال حتى كلمة ! مشابها لبيتها 

طلال:_ هديل نجم ندخل 

هديل :_ لا 

طلال :_ باهي هاني دخلت 

هديل :_ نعم شتحب 

طلال :_ عضم نحبك إنني 

ضحكت هديل مغير متشعر و طلب منها السماح و صاار العرس و ولات ملكوو و حلااالو 

..... بعد شهرين :

راجلي:_سايي باش نهبل يا خالتي 

أمي:_شبي ولدي اللطف 

راجلي:_بنتك باش تقتلني بالعرق بالعرق باش تعملي جلطة

أمي:_وووووتي مليكمش شهرين معرسين يا ناري

راجلي:_نسيتها نهارا العرس شعملت فينا ؟ مهبولة بنتك مهبولة ! فما عروسة تتعارك هيا و طفل صغير على كعبة ڨاطو ؟؟ فما عروس دور على الحاضرين الكل تعمل معاهم سلفي و تكمل تدعثر في كابل تاع المصور تجي هيا وياه مفروشين ؟

أمي:_شتنقولك يا ولدي من الأول نبهناك

راجلي :_ واللي فاتك أغرب ! شد عندك آآ سيدي ! في شهر العسل وحنا في الأوتيل بنتك رمت شلاكة تحصل في ذبانة جات الشلاكة عالتلفزة تكسرت !

أمي:_ووووه و شعملتو طلبتوشي السماح

راجلي:_شخص شخص كان جات في طلبان سماح 

بنتك ڨاتلي هيا نهربو ليطاليا! و قامت تجري ! عرضها شرطي بدأت تهبط  فيهم حيار الراجل يسحابها ڨاتلة روح 

و بدات تجري و بدا الشرطي يجري وراها و أنا نجري ورا الشرطي !علاه شعملت يا ربي !!

أمي:_هيا باهي المهم هربتو !!

راجلي:_إقلب الطنجرة على فمها تطلع لبنية لمها 

النهاية نشالله تكون عجبتكم متنساوش تكومنتيولنا من تحت باه نعرفو رايكم و پلييز برطاجيو الايادي الآمنة نحبوكم