نصائح بسيطة للعناية بالبشرة

يا حنونة ماشي ارواح و ديري فوندوتان و تحبي تبانلك شابة .حاجة الاولى لازم تتهلاي في وجهك دل سمانة ديري تقشير مثلا تع القهوة و السكر و الزيت الزيتون و موراها ديري ماسك يوالم البشرة تاعك مثلا نشاء بالحليب ولا نشاء و قارص و لا طالك و ماء ورد ولا طين الابيض ولا الطين الاخضر ولا الشوفان ولا ياغورت ناتوغ و عسل ولا تع الجزر ....الخ

لبنات تبعوااااا مليح

كاين بزاف لي ماسك ملاح على حساب اليشرة تاعك اومبعد كي ديري ماسك نحي الشعر ادا حبيتي بسك البشرة تاعك تكون نقية مليح..اومبعد رطبي البشرة تاعك بكريم مرطب نيفيا فينوس فازلين زيت الغليسيرين ولا واش حبيتي كاين انواع بزاف ...و كل صباح جوزي على وجهك لي قلاصون و ديري كريم مرطب ..هااكدا بش كي ديري فوندوتان ولا اي ماكياج يخرجلك شباب ماشي مبهدل ....و تااني الفوندوتان ماديريش الرخاص بسط يهلك لابو ديالك امالا قمري عليها و اشري غالية راهي تشدلك ...و ادا العمر تاعك بين 20 30 سنة ماديريش فوندوتان ديري بيبي كريم بسك ماعندك ماتغطي ..البشرة تاعك مليحة تكون مليحة و بيبي كريم مغذية

و فالصيف ديري ايكرو توتال خير من فوندوتان بش ماتكحاليش

**وباش تعرفي نوع البشرة تاعك : كاين 2 طرق

-1 صباااح كي تنودي بلا ماتغسلي وجهك حطي منديل ورقي حليه و حطيه في وجهك و خليه شوية ادا كان الورق فيه بقع خاصة في النيف و الذقن و الجبهة اعرفي بلي بشرتك مزيتة اما اذا شفتيه ناشف معنتها يا اما جافة ولا عادية ....و تفرقي بين الجافة و العادية ...الجافة تبان يكون وجهك باهت و حرش و فيه القشرة و العادية لالا ...

-2 و كاين طريقة اخرى ...اغسلي بصابون تع الوجه و امسححي اومبعد ادا مابانت حتى بلاصة مزيتة معناه جافة

و ادا كان قع وجهك مزيت معناه ذهنية

وادا كان نيفك و ذقنك و جبهتك و خدودك مزيتين معناه بشرتك مختلطة مائلة الى الذهنية (عادية/ذهنية)

وادا كان نيفك و ذقنك و جبهتك برك مزيتين معنتها بشرتك مختلطة مائلة الى الجفاف (عادية/جافة)

**قبل ماديري فوندوتان ولا بيبي كرام لازم ترطبي وجهك بش الفوندوتان لي ديريه مايبانش مشقق ..هاداك الكريم المرطب لي ديريه يمشي مليح الفوندوتان ولا بيبي كريم و يشدو

ديري نيفيا ولا اي كريم مرطب يعجبك وتاني ديري ليقلاصون في وجهك و خليه ينشف ماتمسحيش قبل ماديري فوندوتان ..مليح بش يشد و تبان بشرتك شابة

بيبي كريم كاين غارنيي مليحة و فينوس تاني مليحة ترطب الوجه و تبيضو كي تداومي عليها ..بصح فالصيف ايكرون توتال خير