طريقة تحضير لاسيغ:.
نحتاجو كاس سكر مع كاس عصير ليمون و ادا ماكفاكش عصير ليمون تقدري ديري نص كاس ماء و نص كاس عصير ليمون نوغمال تصلح حطيهم كامل مع بعض بارد فالبارد خلطيهم حتى يذوب السكر.. و حطي فوق نار نوغمال ماشي قاوية بزاف و اقعدي تخلطي حتى يتبدل لون يولي ذهبي.. طفيلها و اقعدي تخلطي حتى تعقد.. امبعد برديها عادي و ابداي تدلكي فيها ب يديك باش تولي طرية مي حتى تبرد ماشي هكداك سخونة
طريقة الاستعمال:
كي جي تستعمليها لازم بشرة تاعك تكون نظيفة و تاني تكوني درتي تقشير للبشرة تاعك... ماشي ديري لاسيغ و تنتفي الله الله امبعد تدخلي تكيسي تخرجي كامل زرقااا و معمرة حب و تحصليها فيا
✔مهم البنات مقشر واش ديري!!!!
ديري قهوة غبرة.. مع شوية زيت الخوزامى + شوية زيت الترمس المر + شوية زيت الورد..
✔علاش تستعملي هادو!!
زيت الخوزامى تبيض و ترطب هايلة و تاني تقلل من نمو الشعر.. و زيت الترمس المر تاني راه معروف بلي يقلل من نمو الشعر و زيت الورد ترطب و تبيض مع الوقت تنحي كامل الكحولية سوغتو فالمنطقة الحساسة ننصحكم بزيت الورد بعد استحمام والله غير عن تجربة صح تنحي الكحولية و تولي تشعلي الله الله
مهم ديري تقشير بهاد المكونات امبعد استعملي لاسيغ و كي تكملي نتف يا الحبيبة تاعي طلسي زيت الفازلين تع ايليس لي هدرتلكم عليها و كي تكملي و شوفي نتيجة ادعيلي دعوة خير زينة
بالنسبة لمنطقة الحساسة يا البنات بالاكو من لاسيغ ماشي مليحة رسول عليه الصلاة و السلام نهانا عنها.. قال حلق العانة و نتف الابط.. كاين حكمة من وراها..
انا تما نستعمل crème Dépilatoire Vénus.. تخرج عليا و هايلة و بعدها ندير زيت الورد و زيت الفازلين
و اخيرا كملت اسمحولي طولت عليكم بصح فالفايدة
.png)